搵替身
時間：98 年鬼節
地點：郊野公園
一九九八年農曆七月十四日晚上，我和一班朋友去某郊野公
園燒野食！我地去到郊野公園已經係夜晚九點。果度一盞燈
都冇，只剩一個離我地好遠既公廁先至有燈。我地燒左好耐
，我心血來潮想講一個真人真事o既鬼故。我大約講左半個鐘
，講到個女人想吊頸時，突然感覺到一隻手搭住我膊頭，然
後我個口講唔到野。
我o的朋友問我：「做乜野唔講落去呀？」我想同佢地講野都
講唔出。突然有一把女人聲係我耳邊話：「你而家走投無路
，想走都走唔到啦，哈哈！不如你做我替身，你冇得揀，你
一定要做我替身。」我的朋友見我有o的唔對路，其中有個叫
Eva ，佢手上戴左一條開左光既佛珠鏈，佢將條佛珠鏈除左
落o黎戴係我手上，於是果隻野嚇到走左。隻野走左之後，我
無端端暈左。到第二朝我醒番，左朋友話我知我尋晚撞鬼！
我勸大家晚上係郊外唔好貪玩立亂講鬼故，可能分分鐘會好
似我一樣會撞鬼！
李終貴按：
李終貴也曾在郊區有過一次撞鬼經驗。別以為鬼一定是晚間
才活動，其實大約中午四點開始，鬼魂已經開始活躍，尤其
那些「猛料」厲鬼，更可說如常人一樣，可以不分日夜站在
你身邊。事緣那次跟三個朋友坐船到南丫島索罟灣。見到南
丫青年營指示牌，就到那裡 Booking ，打算下星期來度假。
我們走了半小時便到達，但所有門窗全緊閉。李終貴好奇由
窗口望內，竟然——大家不用驚，只是屋內無人，好像荒廢
了很久！大家便下山，向榕樹灣方向走去，沿路見到不少墳
墓，一個人都找不到。大家開始不自在。忽然，背後傳來一
陣一陣「唔...唔...唔」聲音。大家明知整個山頭一望無際
，一個人都沒有，為什麼會有聲？不過我們都很「醒目」，
默不作聲，只急急步走。之後那聲音又變為：「喂！去邊？
帶我去！」李終貴即刻一邊行一邊唸心經化解。

鬼傘

小娟與家人住在廟街一幢五層高的舊式唐樓。當年小娟只得五歲，活潑可愛，他們一家四口在廟街生活已有八年多。
平時小娟會陪伴媽媽看士多，但因為小娟年紀小，所以經常外出跟鄰店的小朋友玩耍。
有一天黃昏，小娟媽媽正在尋找小娟回家晚飯，但找不著，終於在某店子旁的後樓梯找到小娟。當時小娟手拿一把很精緻的雨傘，小娟媽媽不以為然，並囑小娟快回家晚飯，但小娟走時回頭跟樓梯說「拜拜姐姐」。小娟媽媽突然感覺不妙，便命小娟快些回家。
事隔兩日，小娟姐姐晚上幫小娟洗澡時，小娟突然看著姐姐背後說：「姐姐你好，你又o黎陪我玩呀！」小娟家姐大感不惑，但其妹每晚都高興地向著雨傘說同一句話，而且每晚更跟那把雨傘高聲玩耍。小娟媽媽便向廟街一位神婆請教。神婆一口說明小娟所拿的雨傘依附著一女鬼，更命小娟媽媽盡快把那雨傘棄掉，免至那傘危害小娟，因人與鬼不能共處。
小娟媽媽把那傘棄掉後，回家時赫然發覺小娟仍在把玩那把雨傘。當小娟媽媽嘗試再把雨傘棄掉時，小娟忽然發惡，目露兇光的望著母親，示意不要觸摸那傘。小娟媽媽大感不妙，立即找來神婆。神婆速令小娟身上女鬼現身，但女鬼不肯，神婆開壇求神助。最後神婆花了四個小時跟那女鬼交涉才成功，更命小娟媽媽事後燒香拜祭，希望女鬼能得以安息。最後小娟平安無事。
奉勸各位，請勿在街上亂拾東西回家，尤其是雨傘。